معكرون من التراث الفلسطيني القديم جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة. كنت حابه شارك هالوصفه بمسابقة الوصفات الفلسطينية ... اعتقدت انه هالمسابقه بتمتد ل ١٦/١٢ بس تفاجئت انها انتهت ... المهم هاي الوصفه قديمه جدا جدا .. حتى جيل امهاتنا ما بيعرفوها .. بالصدفه ضيفتني منها ختيارة كنت بزياره عندها ..طبعا كل وصفه منقدر نعدل فيها على زوءنا .. بس حبيت انقلها كيف هي احتراما للختياره الى اعطتني اياها .. طبعا ما في اشي اسمه مقادير مضبوطه ... بس انا حاولت اوصل للمقادير حسب الشرح ...منقدر نبدل زيت الزيتون بسمنه او زبده او زيت ذره متلا .. بس الاصل بزيت الزيتون .. وكمان منقدر نضيف البيكنج باودر

• ك طحين
• 0.25 ك زيت زيتون
• 2 م.ك سمسم بني (مع قشر) محمص
• 0.25 ك سكر او اكتر حسب الرغبه
• م.ص يانسون مطحون او اكثر حسب الرغبه
• ربع كوب ماء وحسب الحاجه
• زيت للقلي

• 1   نفرك الطحين مع الزيت جيدا. نضيف باقي المواد ما عدا الماء نخلطهم
• 2   من ثم نضيف الماء تدريجيا لتتكون عجينه لينه غير لاصقه.
• 3   نترك العجينه ترتاح. نشكلها ونقليها في زيت عميق. على نار متوسطه او اقل وتقدم مع الشاي.
• 4